දුව පැන්න ලොව දින්න දුවනි කොයි සැඟවුනේ
චණ්ඩ රළ තුලද නුඹ තවත් මගේ දියණියේ
නුඹ ගැනයි එකම සිත කොයිබදැයි සොයමිනේ
නැගෙන රළ තුල සොයමි තවත් නුඹ දුවණියේ

දෙ අත මත තුරුලි වී කිරි සිනා නගමිනේ
පවසනා රස බසින් මා සවන් වසමිනේ
"අප්පත්ති ආදලෙයි" ගෙල වටා වෙලෙමිනේ
සිටි මගේ සුරතලී කොහෙද ගියේ දෙවියනේ

අම්ම ගිය ලොවට නුඹ පියා සැලුවද පුතේ
අප්පච්චි තනියෙන් ය ඇයිද අමතක උනේ
අම්මගේ පහන ළඟ නව පහන එලිවුනේ
සුරලොවෙන් අතවනන නුඹටමයි දුවණියේ