අතීතය ඉදිරියෙන් වර්තමානය පා නැඟීම.

6358945407_74f72a2a69_o copy

වැදගත්► සේයාරුවේ අයිතිය චමිල ඩී අල්විස් සතුය. ඉහත සේයාරුවේ මොනයම් හෝ උපුටා ගැනීමක් ඔහුගේ අනුදැනුම මත ම විය යුතුය.

සුළඟ

wind

වෙනදාට සනසවා
හමන නුඹ
අද පමණක් නාවේ
කිම..?
උරහිස් අකුලා දෑත් බැඳ
සිටින සඳ..,
මට සිසිලක් දෙමින්
මා පසුකර
හමා යන සඳ
නුඹ වෙනුවෙන් ම
මම
සියලු බැඳීම් ළිහිල් කර
සිටින සඳ,
මා සනසවන්නට නාවේ
කිම
?

 

 

 

 

පසු කියැවුම

නුඹත් මා පෙම්වතිය වැනිවී
නූමනා කල ළඟින් සිටිනා
ඇවැසි කල අස සේයාවකුදු නැති

කොලයක්, දරුවෙක්, මවක් හා කඳුලක්

kms

නිහඬවම
තුඩගින් කැඩී
ලොවට බර නැති
ලෙසින් පාවී
වැටෙයි හෙමිහිට
දිවියේ අවසන
තේරුමින් ගෙන
විලස වියැලුනු
කොහොඹ කොලයක්!

මවු සමඟවිත්
උයන් කොණ හිඳ
නටයි දුව පැන,
පෙර නොවූ ලෙස
නැවති එක තැන
කොහොඹ ගසෙකින්
වියැලී බිම වැටි
කොළ ඇහිඳ ගති
උයනේ සිටි එක
කුඩා දරුවෙක්!

පෙර කලෙක
ඔහු සමඟ දවසක
කල කතා මැද
හිස්වූ සිතිවිලි
ගෙවෙන තුරු
ඒ සොඳූරුකාලය
කොහොඹ කොල
වියලවා පොත් මැද
එකතු කල සැටි
මතකයන් ලෙස.
මතක කරවයි
වියෝ දුක් මැද
කොහොඹ කොල හා
කෙලින පුතු දැක
අසල සිටි එක
තුරුණු  වූ මව!

අහිමි පෙම
මතකයක රඳවා
ඒ මතක
පුතු මතම වියලා
ප්‍රේමයේ කලු
මතක මැද්දෙන්
නැඟී නුවනත
පෙර නොවූ ලෙස
රුදු මතක මැද
තනිවූ කඳුලක්!

පරණ රූ රැජිණ


කිසිවක් නොවූ තාලෙට
ලතාවට සිය සිරුර හැඩකර
ඇවිද ගෙන මා අසලට
පැමිණ හිඳගති
නිහඬ විලසට

පෙර වූ ඒ සිනහා
කෙළි කවට විරු කම්
නෑ මෙදා
පෙනෙනට

කෙලෙස නිහඬව
සිටිනුදැයි මේ
රුවැති ළඳ
සෝතාපයෙන්

සියල් අවසන
මදෙස බැලු ඈ
කියත් මෙලෙසට
වදන් ගුලිකර

"අද මට මේ ඔටුන්න තව එකෙක්ට පළඳන්න වෙනවනේ"

හරෝ හරා...

Kataragama


පාක්කුඩම් පඬුරු බැඳන් පොරොත්තුවක් මැද
යාල මැදින් පා තියනා ඉලංදාරි හද
ගිණි ලෑ සිත් කවුලු මැදින් කකියා රිදුනද
කද සුරිඳුන් වඳින්ට යයි දෙපයට වැඳ වැඳ

ඔකඳ දෙවොල් තුන් ලිප්ගල් අසල ගෙවෙන රැය
වල්ලි මවුන් මුරුගා දෙවිඳු පෙම් කතාව මැද
ආඬි ළිඳෙන් දෙවුණු දියෙන් මකවා තිබහද
කඳ සුරිඳුන් අප රැක ඇවිදයි පා ගමනක

දොළොස් මහේ පානට තෙල් දමා පැතුම් පතමින්
සුරබිදෙනක් විලසින් සිටිනා ඈ ගැන සිතමින්
පේවී පුන නූල දමා තිලක නළලේ තබමින්
ඇවිද ඇවිත් දෙමස පුරා බැතිබර ගී කියමින්

හරෝ හරා කියමින් අප තැන දුටුකල සැතපුම්
පෙරදා රෑ ගිණිලූ දර සෑ අතරින් ගොඩවල්
සැතපෙන්නට තැන් සොයනා අන්නවරු සමඟින්
කුඹුක්කං ඔයේ අසබඩ රැයක් ගෙවා දමමින්

එකම හදයි එක රුහිරුයි සැවොම එකයි සිතා
සැමට බෙදයි සැම වළඳයි එක පොංගල් පතා
සියක් සැතපුමක් දෙපයෙන් කියවන මේ දෙනා
එන වසරෙත් පා ගමනින් වඳියි සෙතක් පතා

නුඹේ මතකය මතින් නැඟිටිමි

ආදරේ මුලකුරු කියෙව්වට
කියල දෙන්නම් කියා කරනට
එදා සයනයේ කියලා දුන්නේ
රතිය මිසක වෙන කිමද හිමිසඳ

පිරිමැද අතින් පොපියූ දෙතොල්
පෙමින් සිප ලැම ආදරෙන්
ඇසූ කල කිමැ පෙම යනු
නැඟිට ගියේ කිම සයනයෙන් නුඹ

ඕනේ නැති විට යැවුමත්
යළිත් එන විට ඉඳුමත්
නුඹේ දාසිය මමද හිමිසඳ
රැවටි සිටියේ නුඹේ මිල දැක

රක්ත පොල්කා තිත් පිරි සයනේ
සැමදා නුඹ හා වැතිර හිඳිමිනේ
වදන් සමඟින් පොර බදා මම
නුඹේ මතකය මතින් නැඟිටිමි

එකමත් එක රටක රජවරු


Disclaimer පහත කවි පෙළ සකල සිරින් පිරි අසන අසන ලෝසත සාධුකාර දෙවන්නා වූ අප ශ්‍රී ධර්මද්වීපයට සමකරන්නට තනනා සියල්ලෝම අපාගත වන බැව් දැන ගන්නවා යෙහෙකි. එසේ සිතන්නටත් උඩගෙඩි දෙන්නා වූ සියල්ලෝම විජාතික බලවේග වලට යටවී ධනවාදයේ සුප් කටු ලෙවන්නෝයැ.

King

උතුරු සලුවෙන් මුවා වූ
රතු පැහැ රු දුරු නයන
නොපෙනෙන්ට වසාගෙන
ධවල මල් වට්ටියට

සිවු පසින් වැටීගති
දෑ මුඳුන් කර පෙළට
රජිඳු අනුකරණයෙන්
සිත් ගනු රිසින් දනට

දරනු බෑ අවු රැසක්
කොමල ඒ දෙනුවනට
බැඳී ඇති Ray Ban
දඬු වැටක් ඒ වටට

අප මහා රජාණන්
ලෝ පහල වී ඇත්තේ
අපේ පෙර පින් මහිමෙ
බෙලෙන් වෙන අන් කිමට

ලෙසින් නොම නවතමින්
ඕසෙටම ගුණ කියත
රජිඳු නැති ඒ වගක
සිටි පිළිමයක ලෙසට

කුඩම්මා

2995880934

පෙම් කැල්මක් නිය අගින් කොනිත්තා
එන්නත් කරනට දෙනවද අවසර
සිතුවිලි ගඟුලක කවිකම පුබුදා
ගයපන් ඒ බව සිහිනය අසබඩ

හතලිස් ඇඳිරිය දොරට වඩින තුරු
ඉලත්තට්‍ටු මේසෙට වඩිමින්
ලොකු අක්කණ්ඩිගේ බහට වහල් වී
දෙවැනි මවුන් වී හට දරුවන් 

කෝමල රේඛා වියැකී යාවී
නර කෙස් කැල ගා මුකුලු ලමින්
ගෙයි මුල්ලේ හැමදා තනිවේවී
අතගත් අයෙකුත් නොමැති හෙයින්

සක්කර aka “womanizer”


sobitha-(1)

සක්කර පුක උණු වෙන්නේ
ජංගි දුකක් දැනූ කලෙක
ඈ සක්කර බූරු පුතෝ
ඇයි අකමැති පිරිමිකමට

අත්තම්මගේ බුදු බණ පොතේ
තිබ්බා මේ වග සත්තයි
සක්කර පොලවට බැස්සේ
තෙවරයි ඒ ජංගි නිසයි

අනේ ඉතින් කා සරණද
අසරණ අපි පිරිමි හට ම
දෙවු සභාවේ අධිපති දෙවි
womanizer උන නිසාම

මෙච්චර හිත උණුවේ නම්
යවමුද සක්කර හට අපි
Naughty America අක්කලා
Bang Bro's වරු එක්කලා

frio (සීතල)

frio

ළඟ නැති කල අගය වැඩිවුනී
සැනසූ පෙම කොහිදැයි සිතමීනී
අත් අතරින් ගැලූ ඒ කල මතකයට නැගී
මා නිසා තනි වූ නුඹ කොහිදැයි සොයමී

හදවත තුල ගැසූ කරණම් සිතින් විඳිමීනී
නුඹෙන් හිස්වූ හදවත තවමත් නොපිරිණී
තෙවසරකට අහිමි ඒ පෙම ගැනම සිතමිනී
කවදා හෝ නොලැබෙන නුඹ ගැන සිතා වැළපෙමී

නිදහස් කරනු මැන මා මේ වේදනාවෙන්
නුඹ ගැන මා තුල පවත්නා ඒ මතකයෙන්
අකුණකට පෙම්බැඳි ඒ කල ගැන ප්‍රහර්ශයෙන්
මතකයට නැගි සැනින් අමතක කරමි මතකයෙන්

අතර පර තරය


12187853041676230210johnpwarren_Chess_piece_black_king.svg.hi

මහංතත්තේ යෝධ ලොකුකම්
එක්ක තනිවූ වලවු ජීවිත
අස්සේ රන්දම් වැලින් සැරසුනු
සුදු පරෙවියන් එමට තව ඇත

අප්පෝ හාමුය මුහන්දිරමට
ගරුව සරුවට සලුව පහලට
දමනු දැක උද්දච්ච කම්පිට
ඉන්න කල් උන් කරුවලේම ය

නොමැති සෝකය උඩට එනවිට
කුඩා පැල මහ ගසුත් පසුකර
කලින් හිටිතැන අමතකම කර
ගියොත් උඩ වැරදෙන්නේ උන්ටය

හිතට ගෙන මේ ලෝක සත්‍යය
පැවතුනෝතින් ගුණය ලෝකෙට
එමම නොමවී පැවතුනෝතින්
යුගාන්තයකට යැවේ ලෝකය

මේ කවිය ධනුෂ්කා නිශාදි විසින් මුහුණු පොතේ රචිත කවියකට පිළිතුරක් ලෙස ලියැවුණකි.

සිතුවිලි නැති හිත

app_full_

නිහඬවම තවයි හදවත
හිතට ආ සිතුවිලි එක්කොට
තවත් හිතට හිතන්නට
කිසිත් නොමැති නිසාවෙන්

එහෙත් කෙලෙස සිතන්නද
සිතුවිලි ද අන් සතු වූ කල
ඇත්තේ මා හදවත
පමණක් බැවින්

ගත්තේම තුරුළු කර
වත්කමට තනිකම ම
සිත්ලෑම නිහඬවම
කර ඇති බැවින්

සිතුවිල්ල අසනු මැන
ආපසුම එනු මැනව
පාලු මුලු හදවතම
නුඹ නැති බැවින්

අනපේක්ෂිත

monk_alone

පාත්‍රය මා අස
ගඟ ගලයි පහලට
උඩුගමට යන්නට
පැතුම් මා පැතුවට

චීවරට පෙර කල
නිමක් නැති පවුකඳ
සේදෙයිද වැන්දට
කැලණියේ වෙහෙරට

පාත්‍රය මග තබා
පැන්නමුදු දියඹට
නොගියේ ඇයි උඩහට
ගිලීයයි පහලට

ගුරුවර

sir

විසල් ලොවක අරුමය විඳ
පසල් දන්ව්වක හදවත
තබා නොගෙන දිව මතුරක
ලෙසින් දිලෙන්නා

ළතෙත් පසට තබමින් බර
විදත් ලොවක දැකි මහමෙර
සතර උගෙන ගෙන කරමත
බරක් තබන්නා

ගෝල පුතුන් සුව විඳිත්ම
නුඹ බරවී හැරමිටියට
සිල්ප සතර දී නොමසුර
තුටින් දිලෙන්නා

ලොව කවරෙක පැමිණ ගියද
නුඹ මාලොව එක පියනම
ඒ නොවෙනස් වේ සදහට
ගුරුවර වන්නා

සුභ රාත්‍රියක් මිත්‍රයා..!

ilan

දල්වා
ජීවිතය ගැන
පොරොත්තු
නිහඬව සිටිත්දී

හැමදෙන
අයා දකිනතුරු
ජීවයේ
පහන් දැල්

නොපෙනුනත් සුව පැතූ
සහසකුත් මිතු කැලම
හැරදමා ගියා නුඹ
ජීවිතේ කෙළවරට

නොම පතමි
ඉපදෙන්ට
යලිත් මේ කුරිරු ලොව

සොයාපන් නව ලොවක්
නවමු සුභ ඇරඹුමක්

එතෙක්
සුභ රාත්‍රියක් මිත්‍රයා..!

අක්කී

akki

ආපු දවස් වල
අහ් එයා මාර sexy
මගේ facebook එකෙත් එයා ඉන්නවා
එයා මගේ අක්කි කෙනෙක් නේ
මට එයා හැම වෙලේම PM & twit කරනවා

ජනප්‍රිය උනහම
ඔව් අනේ
අදත් මම එයා එක්ක කතා කලා
මම හිතන්නේ මම එයාට crush
අලුතින් එයාට web එකක් කරන්නෙත් මම
ඔව් එයා මට buzz කල ගමන්
මම යන්න ඕනේ නැතිනම්
මා එක්ක තරහා වේවි

ටික කලක් ගියහම
මම එයව දන්නේ නෑ
උඹට ඕනේ නම් මම එයාව suggest කරන්නම්
ඒ වගේද අර fm එකේ ඉන්න එනවුන්සර්
හරිම ස්වීට් voice එක
යවන්න ඕනේ friend request එකක්
අනික අය හදන්න කලින් fan page එකක්
හදලම

ආදරේ ඇහැරවා නිදන නුඹ

sleeping-girl

ඇහැරිලා ඉන්න විට
නිතර මොරදෙන උඹට වඩා
කොට්ටේ වෙනුවට
මගේ අත බදාගෙන
නිදියන උඹට මම ආදරෙයි

ආදරේ කියලා හිතන එක
ආදරේ නොවුනත්
එහෙම හිතන එකත්
සැපක් වර්තමානය
අමතක කර

තුරුලු වෙන්න
නිදියන්න
නොම ඇහැරෙන්න
කොහොමත්
නිස්කාරනේ මගේ බෝතලේට
විරුද්ධව
නිතර මොරදෙන නුඹට වඩා
බොඳ වෙච්චි ඇස් අස්සෙන්පේන
මයේ අතට ගුලි වෙච්චි
උඹට
මම ආදරෙයි.

වෙනස

Absolute_alone_10

පදපෙළට ගෙවූ මිල
අත මතට ගුලි කරවා
පැහැර ගත් ගී කමල
ගුවනේ සැරි සරන කල

ලියූ අත කරවා අමතක
ගැයූ හඬට සත්කාර කොට
නංවා යසට වේදිකාවට
තොල් සලා
පසෙකින් ගැයෙන ගීතයට අනුව
දහසින් බැඳි පියලි පුද කර
නංවා නවතම සිවු සක් රියට
යනවිට අහසින් වැදි අකුණක ලෙසින්

ලියූ අත තනිවම තැබෑරුමක
දහසින් බැඳි පියලි වෙනුවට
රහමෙරක පහස ලැබගෙන

F e t i s h

පාදයෙන්
තෙරපා
කැලුම්දෙන
ආලයක් තුල
පෙම
මෝදුවෙන
සැපට
යටිපෙළ
සූක්ෂම වෙන

නුඹය
මා ලොව
ස්වර්ග රාජ්‍යය


සකේ උගුරක පෙඟුණු මතකය

විජිනිපත් හිඩැසින්
බැලුම් ලන
ඔබද ඒ ගීෂාව
මගේ මත් ලොව තුල

සකේ උගුරක පෙඟුණු මතකය
ස්පර්ශකර එක වදනකින්
සලා යනවද විජිනිපත් සර
දසත මවමින් ඒ අතීතය

නොලැබ මතකය තුටින් සජ්ජිත
බමන මතකය පටලවයි සිත
සිහිනයකදී අතුරුදන් වූ
තුහින වැසි දිය බින්දුවක ලෙස

ගිර සහ පුවක

සැම අතට
දිස්නය දෙන
සැම දන දෙනෙත්
පිනවන
සිනාසුන මුත්
දෙනෙත බිය කරවන
දුරු රටක තෑග්ගක් වූ
පිත්තල ගිරය
නුඹ

රටට පෙනෙනට
සිනාසෙන මුත්
නිතොර බිය වන
හදවතින් සරි
වෙලාගත් ගිර
හස්තයෙන් දැඩි
දෙපලු වෙන්නට
තුටින්? සැරසෙන
අසරණ ම අසරණ
පුවක
මම

:/

"සාපේක්ෂ" ප්‍රමාණය

මේ..
ම්ම්...?
ඔය ඕක දෙන්න
බෑ මට ඒක ඕනේ
ඕක මට දීලා
මේක අතනින් තියාගන්න
බෑ ඒක
ලොකු වැඩියි
ඒ කියන්නේ ඔයාට
මේක එපා...?

නෑ...
එපා නෙවී
මේක මට ලොකු වැඩියි..,
හරි කමක් නෑ
මට ඕක පෙන්නන්නමේකයි
මගේ එක ලොකු නිසා තමා
ඔයාගේ එකට ගැලපෙන්නේ
මේ තරමට හරි..,
හරි තාම මට
ඔයාගේ එක පෙන්නුවේ නෑනේ

අහ්
ආ...ආ... මෙන්න

දෙවියනේ
මේක තමා මෙච්චර කාලෙකට
මම දැකපු
ලොකුම
හදවත

වෙණ(න) නද

ඈ මතකයෙන් උන්මන්තක ව
හිත මිහිරි වෙන කල
ගලයි මී වෙන නද
ගලත් මී වෙණ නද

වියෝගය පැමිණි කරුමෙට
දුකට හද සුසර වූ කල
එකලට මිහිරි වෙන නද
එකලට මිහිරි වෙණ නද

වෙන බසක රැසකට
වෙණ නදට වෙර බැන්දට
අතීත වෙණ නද රම්‍යය
අතීත වෙන නද අපුලය

නවක නිළියගේ පාපෝච්චාරණය


අධ්‍යක්ෂ තුමනි,
සලුපිලි උනා ලන්නට
අණ දුන්නත් නැත්ත්
මම හිටියේ
ගලවන්නමයි..,
බලකරනවට වඩා හොඳයි නේ
මම කොරන එක

ඒත් ඇයි පුදුම වෙලා..?
අමතකද..?
ක්ලෝසප් ගන්න
දුන්නොත් සිනමාවට ගන්නවැයි
කීව වග..?

අප්පච්චී අපිව හැදුවේ
ලැජ්ජ බයට උනත්
රූපේ ලස්සන නිසා
ගලවෙන්න බැරිවුනා නේ
වල් වහතු ඇස් වලින්..,
පඳුරක් පඳුර ගානේ
තලන්නට ගත්තට පස්සේ
තව රකින්න දෙයක් නැති නිසා
දුවේ
"උඹ සිනමාවට ම පල"
කියලා තල්ලු කරාම අප්පච්චී..,
මම කෝමැයි
නෑවිත් ඉන්නේ

අනික,
මේ තරමට ජනප්‍රිය වෙන්න
ඔබතුමාට කියන්න
කීදෙනෙක් ගේ අඟේ රඟේ බැලුවද?
රජා, රාජ පුතා, ඉඳන් ගෙදර
ගෙදර මිනිහට වෙනකල්
එල්ලලා ආපු ගමන දුර මදිද?
ඒත් අනේ පත්තරේ අයියලාට
මම ආදරේ කියන දේ
දන්නේවත් නෑ ඕං!!

මතක සුවදෙන

1212121 

සුවඳ ඇති මතකය
පිපෙන්නට ළංවූ
එහෙත් එකවර ම
හැලීයන
ජීවය දුන් ගසින්

ඔබත් ඒ ලෙසමයි

ඔබ වරක් සිනහවී
මා සිනා ගොලූ වු තැන
සිනහ සී යලි
මතකය ම හිසට කර
මා සිනහ වෙන විටම
ඔබ නොමැත අස
ගොසින් දුර නොපෙනෙන්ට

ජීනා මැඩම්

නිමිත්ත ජීනා අත්අඩංගුවට., තමාව නිදහස් නොකල හොත් ඉහල තනතුරු හොබවන රජයේ වගකිවයුත්තන්ගේ තොරතුරු හෙළි කරන බව පවසයි. -පුවතක්.

dfdc7a36

මහ ලොකුවට
සුදු ඇඳගෙන
සභා ගැබේ
මහ නද දෙන
ඔය ඔක්කොම
මම දැක ඇත

බඩ ලොකු මහතින් බර වුනු
පෙරේතයින්
වගේ හෙලුවට

කෙල්ලන්ගෙන්
සැප අරගෙන
මොකුත් නූන
වගේ හිටියට
උපංලපෙන්
කුරුලෑවට
කීවැකි මට
ඔක්කොලෑගෙම

කිසිදා නොදු‍ටු ඇයට සෙනෙහසිනි

girl_poem_me

කිසිදා නොලියූ කවියක්
ලීවේ මා නුඹ වෙනුවෙන්
දෙවුලියන් දුන් ඒ තනුව වටකර
අමුණමින් පද සැලෙන මුතු ලෙස

වදන් සයුරේ නවමු  වදනින්
පුරවා රිසිසේ කවියෙ රූ කම්
එවම් ගලපා පුරුදු අකුරින්
ගයාපන් පෙම නුඹේ ස්වරයෙන්

පන්කමින් කල පෙමෙහි පිනකට
දෙ අත් එක්කර නුඹව දුන්නට
පතන්නේ මා ජීවිතේට ම
ඈත් නොකරනු සදාකාලෙට

පවුකාර කවිය.

upl

දානය පිළිගන්නන කොට
අත ඇල්ලුවේ හිතලා නෙවී
ඒත් මුව රතු වූ හැටි
මම හොඳටම දැක්කා

දරාන ඉන්නට බැරි තැන මම
රෑ අහසේ තරු ගැන්නා
චංචලයි මා හිත
දරන්නට බෑ මටම ම,

නිතරම උඹව දකින්නට
ඕනේ උනාම මම ධර්මයට
හිත ලූවා

කිව්වම එක වරක් අල්ලා
දෙපා වඳින දෑතින්
ඇයි කම්මුලට ගැහුවේ
අකැපයි නේද ඕවා සාසනේට..?

අනේ මම ඇයි පරක්කු
ජීවිතේට, මට අහන්නට තියෙන්නේ
එක දෙයයි...........,
පාපය ආනන්තරීයයි, දෙයක් නැති කරන්න,
වෙනවා අහන්නට..,

ඇයි උඹ මහණ වුනේ උප්පලවණ්නා........?

වඩත් සලුපිලි යෙහෙන් මවුපස

leelawathi-4-blog-dsc_0147

කලු වූ කරගැට පිරුණු දෑතින්
අනුන් ලූ පිලි දොවන්නී
‍රැඳුණු ඩා දිය අතින් පිසිමින්
කිලූට ධවලට රවන්නී

වැහැරි නෙත් වල මවා මහමෙර
අහිමි මොක්පුර දකින්නී
කැඳ පෙවූ පිළි තබා එක පෙළ
හිමි පඬුරු කඳ මවන්නී

කරවා සලුපිලි සදා සුවඳින්
ලැබෙන තුරු තු‍ටු පඬුරු ඈ හට
සිටිත් රජ කුල පා පෙළක් අස
නොමැත අවසර නගන්නට පිය

නොගැලපුනු කුල දෙකක හැඩතල
වියලි දෙනෙතින් වින්ද මුත් ඇය
නොමැත පාවඩ නැත වියන් පෙළ
යන කලට ඈ විඳිනු මොක්සුව

ජීවිතය

black_white_life__by_gnato

ඇත්තේ යෑම් ඒම් ය
නැවතීම් උගහට

නැත මෝක්ෂය..,
ආදරය පරහට

තෘෂ්ණාව හරහා පෙරාලන
දියරයක් සේ
ආලය සියලු
සාධක සුසර
කරවයි

ඉදින්
ස්වාධීන [?]
ආත්මයක් කොයින්ද
සීතම්බර යදම් ලූ
වහල් ආත්මයක
මිස

Return top | ඉහත්තාවට නැවතත්