වෙනස

Absolute_alone_10

පදපෙළට ගෙවූ මිල
අත මතට ගුලි කරවා
පැහැර ගත් ගී කමල
ගුවනේ සැරි සරන කල

ලියූ අත කරවා අමතක
ගැයූ හඬට සත්කාර කොට
නංවා යසට වේදිකාවට
තොල් සලා
පසෙකින් ගැයෙන ගීතයට අනුව
දහසින් බැඳි පියලි පුද කර
නංවා නවතම සිවු සක් රියට
යනවිට අහසින් වැදි අකුණක ලෙසින්

ලියූ අත තනිවම තැබෑරුමක
දහසින් බැඳි පියලි වෙනුවට
රහමෙරක පහස ලැබගෙන

2 ක් අදහස් දක්වලා.:

සහෝධරයා

හම්ම්ම්ම් ... කුමක් කරනුද
සෑබෑ තත්වය එය උවද

මුචලින්ද

නියමයි යකෝ. ඕක ගැන මම මේ ලඟදිත් කතාවකට සෙට් උනා. මට දැන් හරියටම මතක නෑ සින්දුව, මම හිතන්නේ දවසක් පැල නැති හේනේ ගුණදාස කපුගේ සන්ෆ්ලවර්ස්ලත් එක්ක අලුත් බීට් එකට ගැහුවට රංබණ්ඩා සෙනෙවිරත්න නඩු ගියා. ඒ ගියේ සල්ලි තන්හාවකට නෙමෙයි අයිතිය පෙන්නන්න. ඒක තමයි ඇත්ත. සින්දුවක ඇත්ත අයිති කාරයා ඒක ලියන කෙනා[ලු]. ඔය මොක වෙතත් දැන් ලංකාවේ ඔය අයිති ඔක්කොම ඕන එකෙක්ගේ අතේ තියෙන්න පුලුවන්. සමහරවිට සින්දුවේ අයිතිය ඒක අහන, අහක ඉන්න එකෙක්ට වෙන්නත් පුලුවන්. ඒකයි මෙහේ හැටි! අන්තිමට ලියන එකාට ගී පොතයි, මී විතයි විතරයි!

නියම කවිය!

Post a Comment

Return top | ඉහත්තාවට නැවතත්