නිමිත්ත: ඉදිරි මාස කිහිපය තුල රටට වර්ෂාධික කාලය එන බව කාලගුණ විද්‍යා දෙපාර්තමේන්තුව අනාවැකි ඉදිරිපත් කරයි.
රුදුරු වෙස් මවාගෙන
හාත්පස අඳුරු කර
අකුණු කෙටුවද හිතට
දන්නවා සොඳින් මම
නුඹ කවුද කියා අද
ඉරි තැලුව සිත් පසට
සනසන්න එක්වන්න
කෙනෙකුවත් නැති කලෙක
රුදුරු වෙස් පැලඳි නුඹ
දිය සලයි රහසින් ම
රුදුරු ඒ හරය ගැන
සැඟවූ ඒ සොඳුරු බව
පෙන්වනා කැඩපතක
හිමිකරුවා මා බවට
නොදැන ලෙස සිටියි නුඹ
ඉවත්කර රුදුරු මුව
සිනාසී මා සමඟ
සලා දිය මේ බිමට
පෙර වූ එ සරු බවට
ගන්ට බාරයි නුඹට
9 ක් අදහස් දක්වලා.:
ඉවත්කර රුදුරු මුව
සිනාසී මා සමඟ
සලා දිය මේ බිමට
පෙර වූ එ සරු බවට
ගන්ට බාරයි නුඹට........:D
රෙද්ද...
අදත් වහිනවා
මල ඉලව්ව...
පොළොව ඉරි තලලා
මිනිස්සුන්ගෙ වඩනවලින්
පිටවෙන්නෙ
උන්ගෙ හිත්වල රුදුරු බව
ඒත් උඹ මෙහෙම
ආදරේම කරන බව
දැණෙන්නම තියෙනවා
අද ඔන්න...
සුදූගේ සුන්දර වත කමලේ
මට නම් ගිනි අපුලකි ඇත්තේ
එනිසා සුන්දර සුදු බක්කේ
නාඬා පලයන්කෝ හනිකේ...
ලිෂාන්.. උඹට ගෑනියෙක් ලයින් දාන්න එනවානම් මේ කවිය මේ විදියටම තියෙන්න ඇරපං. ඩිලීට් නොකර!
හැමදාම වගේ එනව බලනව යනව තමයි . . . මේවට කොමෙන්ට් කොටන්න මට දැයෙන්නෑ බං. දෙන්න තියන එකම කොමෙන්ට් එක "පට්ට" කියල විතරයි
ඕනයා අයියා කිවුවත් වගේ මේ කවිය නම් පට්ට...
මාත් අසායි...
ස්වභාවය දුටු විගසම ගොර බිරම් කියලා පැත්තකට කරලා තියලා කාලයත් එක්ක සුන්දරත්වය දුටු සහ ඊට පස්සෙ ඒ සුන්දරත්වයෙන් මගේ ජීවිතයට ගොඩාක් දේවල් එක කරපු තවමත් දුටු විටම ගොර බිරම් කියලම හිතෙන සුන්දර මිනිස්සු සියල්ලම මගේ මතකයට ආවා මේ නිර්මාණය රසවිඳින කොට...නිර්මාණයක තියෙන සාර්ථකත්වය ඒකම තමයි..කියලයි මට හිතෙන්නෙ.
රුදුරු වෙස් මවාගෙන
තෙමුණු ඇස් සඟවාන
හොරෙන් නෙත'ගින් බලා
නුඹ වෙතින් නික්ම යමි..
නිසි කල්හි නැවත එමි
මේ ලෙසින් පිළිණ දෙමි
-මීට මේඝා-
කාලෙකින් ඔන්න මං උනන්දුවෙන් කවියක් කියෙව්වා..
:D
Post a Comment