පෙම්කරමි

ආදරය මෙතරම් අරුමක්කාර යැයි නොසිතුවෙමි
දැකුමත් සතුටක් වන අරුමය ම අත්විඳිමි
ඔබෙන් ලබනා පෙම්වදන් පිලිගනිමි
නුඹ පන්හිඳෙන් ගිලිහෙනා අකුරටත් පෙම්කරමි

~මම~




සේයාරුව අන්තර්ජාලයෙනි | කවිය මගෙනි 

අපි, සුසුම් හා අන් අය

අපිට අපි  ගැන කතා කරන්නට
වෙලාවක් ඇත්තෙම නැද්ද
අපිට අපේ නොවන අය ගැන
කතා කරනවා හැරෙන්නට

හිස රිදුම් මතක  වේදනාවන්
ප්‍රේමයත් සමඟ මුසුව රිදුම් කරන කල
කොහේ කවදා කරම්ද පෙම් වත් කතා
දෙපසට වී සුසුම්ලනු මිස

බක් මස, 2012දී ය.

යොදුනක් උඩින් හමනා හුලඟකට
තමාවත් රැගෙන යන්නැයි
කියා ලෙලදෙන
පහතින් පිපුණු පොහොට්ටු..

යමුද අපි සුහදිනිය

විටෙක මටත් ආසයි
නුඹ රැගෙන තායි අවන්හලක
ඉටිපන්දමෙන් අඳුර දුරු වූ 
රෑ කෑමකට එක්වෙන්න

tom yum සුවඳ මැද
papaya salad රසවිඳ 
තොල් පිට පෙරලා ගිණි රසය විඳ
milky iced green tea බොන්නට
හරිම රස කෑමකි කියා 
ගුණ අසන්නට

එ මතු නොව සොඳුරිය
දිගු කාලෙකින් නොදුටු නුඹ දකින්නට
සල්ලාප පෙම් බස් දොඩන්නට
ප්‍රේමයෙන් තුරුළු වන්නට

යමුද අපි සුහදිනිය
ඉටිපන්දමෙන් අඳුර දුරු වූ
රෑ කෑමකට එක්වෙන්ට
තායි අවන්හලකට


Return top | ඉහත්තාවට නැවතත්