මගේ කතාව

296173016_4ac249c1d

සුඛාන්තයෙන් අවසන් වෙන
ප්‍රේම කතාවක් දුටුවම
ඇස නොදැන ම ඇසට කඳුලු
එනු ඇයි නොදනිම්


ඈට මා මතක් වෙලාද
මා හට ඈ සිහිවෙලාද
අප හට අප මතක් වීද
කියාල නොදනිම්

සුන්දර දුර ඈත කලෙක
එකමත් එක රටක දිනෙක
කොල්ලෙක් කෙල්ලෙකු හට
පෙම් කල බව කීවයි

දරන්න බැරි ආදරේක
ආසිරිමල් වැස්සේ තෙමී
ප්‍රේම ලොවේ පෙම් මල්
අප එකට ම කැඩුවයි

කලක් ගෙවෙන කල මේ ලෙස
අවාසනාවක මහතට
මා මවුපිය දෙපළ ඇයට
අකමැති වූවයි

එදා පටන් හැමපෝයෙම
පායන පිවිතුරු පුන් හඳ
වැනි ඈ ගැන මා හිත්මල
සිතුම් සිතාලයි

එදා සිටිම අද වෙන තුරු
සුන්දර පෙම් කතා දකින
හැම විටෙක ම මගේ ඇසට
කඳුලු පැමිණ මගෙ මේ මුලු ලොවම  තෙත්කරයි

 
   

. . . !

womenface2


කැමති වන්නට පළමුවෙන්
අකමැති වූ සඳ
ඈත් වන්නට පළමුවෙන්
ඉවත් වූ සඳ
ඉවත්වන්නට පළමුවෙන්
නැවැත් වූ සඳ
ඉතිරි වූයේ
එකම එක දෙයයි
එයයි හිස් බව

පරපෝෂිතයා

imgname--giardia_lamblia_genome_sequenced---50226711--giardia

හම්බ කොරං
ආවම
අයියේ බඩගිනියි
කියං
මුලු බත්පතිං
බාගෙට වඩා
කන එකා


අද
මා දුටු විට

කියත්

“ අපිට හරි වියදං නෙව
ගනිං නෝනේ
සීනි ඇටයක් අල්ල ට
මේ කහට උගුර
බොන්න “

අනේ මා හට පුතෙකු සිටියානම්

mom

පොවනු ආසයි
මගේ දෙතනින්
දෝරේ ගලනා
බිඳිති පුතු හට
අනේ මාහට
පුතෙකු සිටියානම්


ඇඳේ තනිවී
කොට්ටෙකින් ළය
තවා ගන්නා
සුපෙම් ලන්නට
අනේ මාහට
පුතෙකු සිටියානම්


නොයෙන ගමනක්
ගියෙපු පුතු පැටි
අම්මා තනිවී ඇතිය
ආයෙත්
අනේ නුඹ මා
පසම සිටියානම්

මම

1me


කයිලාෂ් වේය හිස උඩ
අලිඛාන් වයති වෙණ හිත ළඟ
වික්ටර් ය දකුණත
කවි ලියයි මගේ වම් අත


කව්වාලියට පෙම් කල
සූෆී ය චතුර්විසි පැය
හීනෙනුත් පොත් කියවන
විරහව ට හිත ඇඬවෙන


පරණවාඩියෙ සිප් හල
මෙ වකේ ජාල අටවන
ආදරෙන් හිත විඳවන
ලොව එකම මනු සතාවේ මම

නිදි සුවය

ATT356430910

මුව පොඩිති
මල්කැකුල
සනසවන

සුව නින්ද
පිරුවටය

සකසවන
අපට නැත්තේ
මන්ද

?

නිවීගිය පහන් සිල

050102_tsunami

දුව පැන්න ලොව දින්න දුවනි කොයි සැඟවුනේ
චණ්ඩ රළ තුලද නුඹ තවත් මගේ දියණියේ
නුඹ ගැනයි එකම සිත කොයිබදැයි සොයමිනේ
නැගෙන රළ තුල සොයමි තවත් නුඹ දුවණියේ


දෙ අත මත තුරුලි වී කිරි සිනා නගමිනේ
පවසනා රස බසින් මා සවන් වසමිනේ
"අප්පත්ති ආදලෙයි" ගෙල වටා වෙලෙමිනේ
සිටි මගේ සුරතලී කොහෙද ගියේ දෙවියනේ


අම්ම ගිය ලොවට නුඹ පියා සැලුවද පුතේ
අප්පච්චි තනියෙන් ය ඇයිද අමතක උනේ
අම්මගේ පහන ළඟ නව පහන එලිවුනේ
සුරලොවෙන් අතවනන නුඹටමයි දුවණියේ

 

Return top | ඉහත්තාවට නැවතත්