වැදගත්► සේයාරුවේ අයිතිය චමිල ඩී අල්විස් සතුය. ඉහත සේයාරුවේ මොනයම් හෝ උපුටා ගැනීමක් ඔහුගේ අනුදැනුම මත ම විය යුතුය.
වෙනදාට සනසවා
හමන නුඹ
අද පමණක් නාවේ
කිම..?
උරහිස් අකුලා දෑත් බැඳ
සිටින සඳ..,
මට සිසිලක් දෙමින්
මා පසුකර
හමා යන සඳ
නුඹ වෙනුවෙන් ම
මම
සියලු බැඳීම් ළිහිල් කර
සිටින සඳ,
මා සනසවන්නට නාවේ
කිම
?
පසු කියැවුම
නුඹත් මා පෙම්වතිය වැනිවී
නූමනා කල ළඟින් සිටිනා
ඇවැසි කල අස සේයාවකුදු නැති
නිහඬවම
තුඩගින් කැඩී
ලොවට බර නැති
ලෙසින් පාවී
වැටෙයි හෙමිහිට
දිවියේ අවසන
තේරුමින් ගෙන
විලස වියැලුනු
කොහොඹ කොලයක්!
මවු සමඟවිත්
උයන් කොණ හිඳ
නටයි දුව පැන,
පෙර නොවූ ලෙස
නැවති එක තැන
කොහොඹ ගසෙකින්
වියැලී බිම වැටි
කොළ ඇහිඳ ගති
උයනේ සිටි එක
කුඩා දරුවෙක්!
පෙර කලෙක
ඔහු සමඟ දවසක
කල කතා මැද
හිස්වූ සිතිවිලි
ගෙවෙන තුරු
ඒ සොඳූරුකාලය
කොහොඹ කොල
වියලවා පොත් මැද
එකතු කල සැටි
මතකයන් ලෙස.
මතක කරවයි
වියෝ දුක් මැද
කොහොඹ කොල හා
කෙලින පුතු දැක
අසල සිටි එක
තුරුණු වූ මව!
අහිමි පෙම
මතකයක රඳවා
ඒ මතක
පුතු මතම වියලා
ප්‍රේමයේ කලු
මතක මැද්දෙන්
නැඟී නුවනත
පෙර නොවූ ලෙස
රුදු මතක මැද
තනිවූ කඳුලක්!
පාක්කුඩම් පඬුරු බැඳන් පොරොත්තුවක් මැද
යාල මැදින් පා තියනා ඉලංදාරි හද
ගිණි ලෑ සිත් කවුලු මැදින් කකියා රිදුනද
කද සුරිඳුන් වඳින්ට යයි දෙපයට වැඳ වැඳ
ඔකඳ දෙවොල් තුන් ලිප්ගල් අසල ගෙවෙන රැය
වල්ලි මවුන් මුරුගා දෙවිඳු පෙම් කතාව මැද
ආඬි ළිඳෙන් දෙවුණු දියෙන් මකවා තිබහද
කඳ සුරිඳුන් අප රැක ඇවිදයි පා ගමනක
දොළොස් මහේ පානට තෙල් දමා පැතුම් පතමින්
සුරබිදෙනක් විලසින් සිටිනා ඈ ගැන සිතමින්
පේවී පුන නූල දමා තිලක නළලේ තබමින්
ඇවිද ඇවිත් දෙමස පුරා බැතිබර ගී කියමින්
හරෝ හරා කියමින් අප තැන දුටුකල සැතපුම්
පෙරදා රෑ ගිණිලූ දර සෑ අතරින් ගොඩවල්
සැතපෙන්නට තැන් සොයනා අන්නවරු සමඟින්
කුඹුක්කං ඔයේ අසබඩ රැයක් ගෙවා දමමින්
එකම හදයි එක රුහිරුයි සැවොම එකයි සිතා
සැමට බෙදයි සැම වළඳයි එක පොංගල් පතා
සියක් සැතපුමක් දෙපයෙන් කියවන මේ දෙනා
එන වසරෙත් පා ගමනින් වඳියි සෙතක් පතා
ආදරේ මුලකුරු කියෙව්වට
Disclaimer ► පහත කවි පෙළ සකල සිරින් පිරි අසන අසන ලෝසත සාධුකාර දෙවන්නා වූ අප ශ්‍රී ධර්මද්වීපයට සමකරන්නට තනනා සියල්ලෝම අපාගත වන බැව් දැන ගන්නවා යෙහෙකි. එසේ සිතන්නටත් උඩගෙඩි දෙන්නා වූ සියල්ලෝම විජාතික බලවේග වලට යටවී ධනවාදයේ සුප් කටු ලෙවන්නෝයැ.
උතුරු සලුවෙන් මුවා වූ
රතු පැහැ රු දුරු නයන
නොපෙනෙන්ට වසාගෙන
ධවල මල් වට්ටියට
සිවු පසින් වැටීගති
දෑ මුඳුන් කර පෙළට
රජිඳු අනුකරණයෙන්
සිත් ගනු රිසින් දනට
දරනු බෑ අවු රැසක්
කොමල ඒ දෙනුවනට
බැඳී ඇති Ray Ban
දඬු වැටක් ඒ වටට
අප මහා රජාණන්
ලෝ පහල වී ඇත්තේ
අපේ පෙර පින් මහිමෙ
බෙලෙන් වෙන අන් කිමට
ලෙසින් නොම නවතමින්
ඕසෙටම ගුණ කියත
රජිඳු නැති ඒ වගක
සිටි පිළිමයක ලෙසට
සක්කර පුක උණු වෙන්නේ
ජංගි දුකක් දැනූ කලෙක
ඈ සක්කර බූරු පුතෝ
ඇයි අකමැති පිරිමිකමට
අත්තම්මගේ බුදු බණ පොතේ
තිබ්බා මේ වග සත්තයි
සක්කර පොලවට බැස්සේ
තෙවරයි ඒ ජංගි නිසයි
අනේ ඉතින් කා සරණද
අසරණ අපි පිරිමි හට ම
දෙවු සභාවේ අධිපති දෙවි
womanizer උන නිසාම
මෙච්චර හිත උණුවේ නම්
යවමුද සක්කර හට අපි
Naughty America අක්කලා
Bang Bro's වරු එක්කලා
ළඟ නැති කල අගය වැඩිවුනී
සැනසූ පෙම කොහිදැයි සිතමීනී
අත් අතරින් ගැලූ ඒ කල මතකයට නැගී
මා නිසා තනි වූ නුඹ කොහිදැයි සොයමී
හදවත තුල ගැසූ කරණම් සිතින් විඳිමීනී
නුඹෙන් හිස්වූ හදවත තවමත් නොපිරිණී
තෙවසරකට අහිමි ඒ පෙම ගැනම සිතමිනී
කවදා හෝ නොලැබෙන නුඹ ගැන සිතා වැළපෙමී
නිදහස් කරනු මැන මා මේ වේදනාවෙන්
නුඹ ගැන මා තුල පවත්නා ඒ මතකයෙන්
අකුණකට පෙම්බැඳි ඒ කල ගැන ප්‍රහර්ශයෙන්
මතකයට නැගි සැනින් අමතක කරමි මතකයෙන්
මහංතත්තේ යෝධ ලොකුකම්
එක්ක තනිවූ වලවු ජීවිත
අස්සේ රන්දම් වැලින් සැරසුනු
සුදු පරෙවියන් එමට තව ඇත
අප්පෝ හාමුය මුහන්දිරමට
ගරුව සරුවට සලුව පහලට
දමනු දැක උද්දච්ච කම්පිට
ඉන්න කල් උන් කරුවලේම ය
නොමැති සෝකය උඩට එනවිට
කුඩා පැල මහ ගසුත් පසුකර
කලින් හිටිතැන අමතකම කර
ගියොත් උඩ වැරදෙන්නේ උන්ටය
හිතට ගෙන මේ ලෝක සත්‍යය
පැවතුනෝතින් ගුණය ලෝකෙට
එමම නොමවී පැවතුනෝතින්
යුගාන්තයකට යැවේ ලෝකය
මේ කවිය ධනුෂ්කා නිශාදි විසින් මුහුණු පොතේ රචිත කවියකට පිළිතුරක් ලෙස ලියැවුණකි.
 |
| නිහඬවම තවයි හදවත එහෙත් කෙලෙස සිතන්නද ගත්තේම තුරුළු කර සිතුවිල්ල අසනු මැන |
 |
| පාත්‍රය මා අස චීවරට පෙර කල පාත්‍රය මග තබා |
 |
| විසල් ලොවක අරුමය විඳ ළතෙත් පසට තබමින් බර ගෝල පුතුන් සුව විඳිත්ම ලොව කවරෙක පැමිණ ගියද |
|
|
| දල්වා නොම පතමි එතෙක් |
 |
| ආපු දවස් වල ජනප්‍රිය උනහම ටික කලක් ගියහම |
 |
| ඇහැරිලා ඉන්න විට ආදරේ කියලා හිතන එක තුරුලු වෙන්න |
 |
| පදපෙළට ගෙවූ මිල ලියූ අත කරවා අමතක ලියූ අත තනිවම තැබෑරුමක |
විජිනිපත් හිඩැසින්
සැම අතට
මේ..
ඈ මතකයෙන් උන්මන්තක ව
 |
| සුවඳ ඇති මතකය ඔබත් ඒ ලෙසමයි ඔබ වරක් සිනහවී |
නිමිත්ත► ජීනා අත්අඩංගුවට., තමාව නිදහස් නොකල හොත් ඉහල තනතුරු හොබවන රජයේ වගකිවයුත්තන්ගේ තොරතුරු හෙළි කරන බව පවසයි. -පුවතක්.
 |
| මහ ලොකුවට කෙල්ලන්ගෙන් |
 |
| කිසිදා නොලියූ කවියක් වදන් සයුරේ නවමු වදනින් පන්කමින් කල පෙමෙහි පිනකට |
 |
| දානය පිළිගන්නන කොට දරාන ඉන්නට බැරි තැන මම නිතරම උඹව දකින්නට කිව්වම එක වරක් අල්ලා අනේ මම ඇයි පරක්කු ඇයි උඹ මහණ වුනේ උප්පලවණ්නා........? |
 |
| කලු වූ කරගැට පිරුණු දෑතින් වැහැරි නෙත් වල මවා මහමෙර කරවා සලුපිලි සදා සුවඳින් නොගැලපුනු කුල දෙකක හැඩතල |
 | ඇත්තේ යෑම් ඒම් ය නැත මෝක්ෂය.., තෘෂ්ණාව හරහා පෙරාලන ඉදින් |
