වෘද්ධ හෙවත් අවසානයට මොහොතකට පෙර


තිතක් නැති

නිවන්නට
නැත ගිනිදැල්
සිතන්නට
හද හැමකල්
පිරවි ආදර කතා
අතරින් ගයමි
මම ගුණ ගී
නුඹේ

අලස ප්‍රේමය මත
පිපෙයි මම
විලස
සේකරගේ කවියක


(මේ miniකවියේ 18-12-2012 දින පල වූ "කවියක්" වැනි එකකි.)

Prototype

මා
කලකට පෙර
ප්‍රේමයේ මූලාදර්ශය
දුටුවේ නුඹෙනි

කල් යත්ම

ප්‍රේම හුවමාරුව තුල
එකිනෙකා පරිණතවෙත්ම
සංස්කෘතික වූ සියල්ලම
භෞතික විය

භෞතික නොවූ නවමු
පෙමක මූලාද‍ර්ශයක්
කවදා හෝ නුඹෙන්
එළි දකීවි යැයි කියා
අත හරින්නට
හිත දුන්නමුදු
තව තවත්
ඉවසිලිවන්ත වෙමි

මේ
ආදර ප්‍රෙහේලිකාවේ
නවමු මංපෙතක්
අපේ ආදරය
සෙවුවොත්

එදිනට

මට හොරෙන්
මා හිත කරන
ප්‍රේම නිදර්ශනය
සෙවිල්ල
අත හරිමි.

මඟ පිසින දෙවුලිය

දුටු වනම
නුඹට
පෙම් බඳින්නට
මා කෙතරම්
ප්‍රේමක්කාර වන්නට
ඇත්ද

කලා කරුවා
තුඩින් පණ දුන්
භාරත දේව පිළිමයක ලෙස
මහද මත තැනී ඒ
සයනයේ කෙළිලන
නුඹ

හෝ!!
මායංකාර පෙම;
මඟ පිසින්නියක වුව
තී ලියකි මට
දෙවු ලෝ තල

නිමිත්ත► චිලීයේ මහා කවි පැබ්ලෝ නෙරූඩා (Pablo Neruda)වරෙක සිය සේවය ලංකාව තුල සිදු කලේ [1929/30] චිලීය නියෝජනය කරන තානාපති නිලධාරියෙකු ලෙසය.., කවියෙකු මෙන්ම අරුමැසි පෙම්වතෙකු ද වූ නෙරූඩා සිරිලක තුල සිය සමාසිකයක් පමණ වන සේවා කාලය තුල ජීවත්ව සිටියේ වැල්ලවත්තේ ය. නිවස අසල මාවත් පිරිසිදු කරන්නියක වෙත දුටු සැනින් පෙමින් බැඳුණු නෙරූඩා ලංකාව තුල ජීවත් වූ කාලය තුල දුටු රූමත් ම ගැහැනිය ඈ නව පැවසීමෙන් නොනැවතී ඈ වෙත ඔහු තුල වූ ආලය මතින් ඇයව දුටු අයුරු මෙලෙස කියවන්නා වෙත තබයි.

"මගේ යහන මත වැතිරුනේ දකුණු ඉන්දියාව පුරා වූ කෝවිල් වල මා දැක තිබූ වසර දහස් ගණනක් ඉපැරණි දේව පිළිමයකි"

නෙරූඩා කියවන්න : http://goo.gl/ZNtqT

Bottom of my heart රෙකමදාරු කිරීම


:බිඳුණු නිර්මල මතකයකි ඒ..

හන්තාන කන්ද මත
වතුල කිරි සුදු වළා
අතීතය කවි කෙරුව
දුක් පුවත සැළකලා

රුවට රුව පැරැද්දුව - සොඳුරු කෙහෙරැළි මතින්
සැලෙන ඈ නෙතු පවන් - හෙමි හෙමින් පියවමින්

පොඩි ගවුම රතු පාට
ඇන්ද පොඩි නිර්මලා
මේ කවිය තුල නුඹේ
දිවි දකිනු බලකලා

බොළඳ බස් පවසන්න - සිත් ගගන රස කරන
විඳින්නට මල් පුසුඹ - ගයා සිවුපද වරුණ

බිම විසිරි මල් පෙඳිති
මිටින් ගෙන පසෙකලා
තිබ්බ මා උපැස් දෙක
මත සෙමින් අලවලා

කියූ ගී කතන්දර - පුංචි සිත රස කරන්
අසන්නට පුලුවන්ද - නොරට ගිය නුඹ වෙතින්

එහෙම රස මතකයක්
තිබ්බ බව නුඹ පසෙකලා
මාත් අම්මත් හැර දමා නුඹ
ගියේ ඇයි දුව නිර්මලා 

ත්‍රිකෝණමිතිය

නුඹ මම හා ඇය
අතර වූ
ත්‍රෛ කෝණික
ආරවුල් වල ප්‍රාමාණික
අගය,

නුඹව ඌ සහ මා
අතර හුවමාරු වීමේදී
තැනෙන ත්‍රෛ කෝණික
ප්‍රේම පුරාණ වල අගයට
වඩා බෙහෙවින්
ඉහළයැ..,

ඉදින්,

මේ තුන්කොන් ප්‍රේමයට
ඌ සම්බන්ධ වූ කල
තෙකොණ චතුර්කෝණික ව
ඈට මමත් ඌට නුඹත්
වන ලෙද පාද සතර
සම වීමෙන්
මේ සමීකරණය
පැසඳේ.

මේවාට මාතෘකා දී තේරුමක් නැත

"නිර්දය" හදින් යුතුව ලියා දන්වන වග නම්

හිතාදර ප්‍රේමය,

නුඹ තැපැල් කල
සෙනෙහෙ කොල කියවන්ට
නවා තිබූ දාරයන්
දිග හරිත්දී
ලියා තුබූ කඳුළු
වලට තෙතබරිත වූ
ලියුම පෙඟී
විරහව අසලින්
ඉරීයන ලදී.

කරුණා කර
නැවත ලියුම්
එවත්දී කඳුළු
ලැමිනේට් කර
එවන්නේ නම්
මැනැවි.

ස්තූතියි

මෙයට,
"නිර්දය" හදවත.

Boa Sr හෙවත් අවසානයක අවසානය



කියනා කිසිත්
අසන්නට කෙනෙකු නැති කල
කියනා කිසිත්
දන්නා කෙනෙකු නැති කල
කියනා කිසිත්
තේරෙන කෙනෙකු නැති කල
මියෙන්නා හැර
කලයුතු දේ අන් කිම..,

දන්නා කිසිත්
බෙදන්නට නොහැකි කොට
බෙදනා කිසිත්
විඳින්නට නොහැකි කොට
විඳිනා කිසිත්
බෙදාගන්නට කෙනෙකු නැති කොට
මියෙන්නා හැර
කලයුතු දේ අන් කිම..,

පසු සටහන
Boa Sr යනු වසර 65000 කට එපිට ඉතිහාසයක් සහිත අන්දමන් දූපත් වල වෙසෙන "බෝ" ගෝත්‍රයේ ජනයාගෙන් ආවේනික "බෝ" භාෂාව කතා කල අවසාන සාමාජිකාවයි.., අන්දමන් දූපත් වලට ගොඩ බැසි බ්‍රිතාන්‍ය ආක්‍රමණිකයින් අතින් බොහෝ "බෝ" ගෝත්‍රික ජනයා සංහාරයට පත්විය. ස්වභාව ධර්මයා සහ ඉතා සමීප සහ සම්බන්ධයක් ගොඩ නඟාගෙන ජීවිතය ගෙන යන "බෝ" ගෝත්‍රය මේ වන විට ජීවත් වන්නේ මුලු ලෝකයේම 56 දෙනෙකු තරම් සුළු පිරිසකි.
කතා නායිකාව වන Boa Sr මහාචාර්ය අත්වීතා අබ්බී හට හමු වී ඈ හා අදහස් බෙදාගන්නා විට තමන් සිය ආවේණික බසින් සිය අදහස් බෙදාගන්නට කෙනෙකු නොමැති වීම නිසා ඉතා දුකින් හා සාංකාවෙන් සිටි බව සැලකර සිට ඇත..,

Boa Sr, 1925 දී අන්දමන් දූපත් වල ඉපිද වසර 85ක් ආයු වළඳා 2010ක් වූ ජනවාරි මස 25 වන දින ඉන්දියාව ආශ්‍රිත නිකොබාර් දූපත් හිදී රෝගාතුර ව මෙලොවින් නික්ම ගියා ය. 
ඉහත සටහන, තනිකම ජීවිතය කරගත් Boa Sr ගැන සිතා රචකයා විසින් ලියන්නට යෙදුනු නිසඳැසකි.

Boa Sr පිළිබඳව ජාල ගත වූ වෙනත් ලිපි
ගූගල් සෙවුම ► http://is.gd/4SHbXR
විකී පීඩියා ► http://is.gd/kFDa8y
ද ගාර්ඩියන් පුවත් අඩවිය ► http://is.gd/sbubh1
බීබීසී පුවත් අඩවිය ► http://is.gd/Puk0rO

එහිතට ඇමතුවෙමි

◄ වි ලෝ ම ය►

ගියෙමි මඟුලකට
සියල්ලම සිනහසෙති නටති
මනමාලිය හැර
හඬයි ඈ මුවෙහි
ඉකියක් තබාගෙන

සහභාගි වුනෙමි
"අව" මඟුලකට
සියල්ලම සුසුම්ලති හඬති
මළමිණිය හැර
නිදයි ඈ මුවෙහි
සිනහවක් නඟාගෙන

E - Minor | ඊ මයිනා

යාලුවෝ එක්ක
සෙට් වෙනකොට
වයන්න බැරි උනත්
ගිටාර් එක අතගෙන
දුක් විඳින උඹ
අද සුපර්ස්ටාර් කෙනෙක් වෙලා
ඊ මයිනා ගහනවා
ටීවී එක තුල

ගිටාර් එක
ගහනවා වෙනුවට
ගිටාර් එකට ගහපු
උඹ
විනිසුරුවන්ගේ ගුරුහරුකම්
මැද
ගිටාර් එක පටලාන
ඊ මයිනා ගහනවා
ස්ටේජ් එක උඩ

කොල්ලෙක් උනාම
ගිටාර් එකක් තියෙන්න ඕන කිව්ව
උඹ,
ගහන්න බැරි උනත්
යන යන තැන
උස්සගෙන ගිය
උඹ,
අපේ එස් එම් එස් වලට
අගේ දෙන්න
අද රියැලිටි ස්ටේජ් උඩ
ඊ මයිනා ගහනවා
ලෙසටම

හරි සතුටුයි උඹ ගැන..!

සිදු වන්නේ කුමක් දැයි බලා සිටිමු.

දිය තුවක්කුව

රූප රාමුව සොරාගත්තේ කර්ම චිත්‍රපටයේ තේමා ගීතයෙනි.

පරකාසේ

නැතිවූ පෙති මල

නොවිඳවා විඳින්නී

ලාදුරු

සේයාරුව කියන්නේ දෙදෙනෙකුගේ අතීතයයි

වෙනස

නිදි? කුම්බා

එ දිය රළ නුඹ වැනිය

දුටු අප, නොදුටු පස

දුං මල

 .
මලින් පිරි සුදු පැසක් සොලවා අවට කොල්ලන් නැඹුරු කරවා
ඉත සිතින් නුබ යවා පුරවති දුම් කදක හද යෙහෙන් සොඳවා
දුමාරය මැද අතරමං වන තරුණ කැල සිය මනස වනසා
දමා ගත් කල කුමන සතුටද මිල පමණි නුඹ සදා තනිවා

නිවා දමමින් පුළිඟු කැබලිති පිඹිති අහසට මල් දුමාරය
උරණ තුරු උන් සිතති යහම්න් තමන් මේ ලොව මල් කුමාරය
නොමැත කිසිවක මෙලෙස සුවදෙන සිතන විට නුඹ අහෝ සෝකය
නැඟිටපන් මල පමා නැත නුඹ වැජඹෙන්න ඇත නුඹට කාලය

කොතෙක් සුරඟුන් පෑද ලීලය නොරැවටෙන් මල නුඹ දනිත් එය
මතක් හදවත තුලට ගත්තද පිටත් වූ අය නැවත එන්නැත
අහිමි වූවේ ඈට නුඹමය, නුඹට ඈ කිසිලෙස අහිමි නැත
නැගිටපන් අද අදම දිරිගෙන අහිමි නෑ බොට නුඹේ රන්හිත

වැල හයිකු

එම්බා සිනහව..,

මගේ Rock පෙම්වතිය



බස් රේඩියෝ බ්ලොග් සතිය
බ්ලොග් සම්මාන මිතුරු පිටුව► www.facebook.com/syndi.buzzradio
අහන්න නවතම තොරතුරු ► www.buzzradio.lk
බ්ලොග් සම්මාන සින්ඩිකේටරය► syndi.buzzradio.lk

අවසානයේ උරුම තැන



බස් රේඩියෝ බ්ලොග් සතිය
බ්ලොග් සම්මාන මිතුරු පිටුව► www.facebook.com/syndi.buzzradio
අහන්න නවතම තොරතුරු ► www.buzzradio.lk
බ්ලොග් සම්මාන සින්ඩිකේටරය► syndi.buzzradio.lk

නුඹ අස මම


අහන්න නවතම තොරතුරු - www.buzzradio.lk
බ්ලොග් සම්මාන මිතුරු පිටුව www.facebook.com/syndi.buzzradio
බ්ලොග් සම්මාන සින්ඩිකේටරය syndi.buzzradio.lk

නාග තෙම හිස දරන සොඳුරී..

ලෝක පුදුමය..

1 ශ්‍රී ජීවිතේ

කැටයම්

ලලක්කාගේ පිංකම [Explicit , 18+]

ගුඩුස්

ඕ ෂෙහෙරසාද්..!


තව
එක කතාවක්
කියපන් ෂෙහෙරසාද්
උඹ
කතා 1001ක්
කියනකල්
මම බලා හිටියේ
උඹේ හැකියාව
දිහා නොව
ඔය ලස්සනට
සැලෙන පෙරළෙන
දෙතොල දිහාවෙයි

මා එය
සිප ගත්තොත්
උඹ
මා පසෙකට
විසිකර දමනු
නියතයි

බිම බලපන්
ෂෙහෙරසාද්
මා කඩුව
නුඹ නැඹතුර අස
සෙළවුනොත් ඇනේවි
ඒ නුඹට රිදේවි

අනේ
ඒ නිසා මට
තව එකම එක
කතාවක් කියපන්
ෂෙහෙරසාද්


පහත ලිවීම► 
ෂෙහෙරසාද් යනු අරාබි නිසානන්දය කතා මාලායෙහි එන එකදහස් රැයක් ගෙවමින් නපුරු ෂාරියර් රජතුමන් හට කතා පබඳමින් සිය දිවිය රැකගත් උපායශීලී කුමරියයි. ඒ හැම රැයකම අවසන ඉතිරි දිනයට තම කතාවේ අවසානය තබන්න්ට තරම් ඈ දක්ෂ එකියක් වූවා ය. එක්දහස් එක් වැනි රැය අවසන් වන්නේ රජතුමා කුමරිය පිළිබඳ වූ බැඳීමෙන් ඈ හට ජීවිත දානය ලබාදීමෙනි.

[නි]වැරැද්ද


වැරදි වෙලාවක
වැරදි කෙනෙකුට ළංව
වැරදිලා වගේ
වැරැද්දක් කල පවට
වැරදිලාවත් උඹව පාරෙදි හමුවුනොත්
වැරදිලාවත් මතක් වේවිද
වැරදි පාරක
වැරදි වෙලාවක
වැරදි විදියට යාමේ
වැරැද්ද..?

වැරදි පාරේ ඉඳන්
වැරදිලා හරි,
හරි පාරක්
හොයා ගන්නකොට
රට්ටු කියාවි ද
දන්නේ නෑ
හරි පාරක යන්න
දැන්
වැරදි වයස කියලා

#KolaveriDi


මිතුරනි මේ ගැයෙන්නේ දුක් ගීයකි
එන්න අසන්න වට වෙන්න.
මේ පෙම නිසා
පද එකතු කල දුක්ඛාන්තයකි

දුරින් ඈ සඳ දීලේ ධවලින්
ධවල බිමට රැය පායා එන සඳ,
ඒ දිලේ අඳුරින්...

යුවති ඇස ඇස ගැටෙන මොහොතක
ඉපදි මා දිවි අඳුරු වෙන කල...
ධවල යුවතියන් කෙතරම් සිටියද
ඔවුන් සියල්ලේ හදවත් අඳුරු නම්
කුමක් කරමුද?

අතැති බඳුන් රහමෙරින් පිරී යත
නෙතට ඉනූ කඳුළැලි සමඟින්
එහෙව් හිස් දිවි පා නගන යුවතී
දිවිය සැනින් කණපිට හරවත්..

එහෙව් යුවතිය
මම නුඹට පෙම් කරමි
දෙවියනි මට
නුඹ අවැසිය එපමණට ම

කෝප්ප තුනේ කතාව


අපේ ගෙදර
කුස්සිය පොඩියි
ඉස්සර
අපේ රාක්කේ තිබ්බේ
කෝප්ප දෙකයි

ඔයාගෙයි මගෙයි විතරයි

කාලේ වෙනස් උනා..,
මගේ ආදරේ වෙනුවට ඔයාගේ අතට පොඩි පැටියෙක් ආවා
අපි දෙන්නම ඒ ලස්සන ජීවියාට ආදරේ කරන්න ගත්තා
කලක් යනකොට අපේ රාක්කෙට තව කෝප්පයක් එක්කහු උනා
ඒ ලොකු පුතාගේ..,

කොල්ලා ලොකුයි.., එයා ට මල්ලියෙක් හරි නංගියෙක් හරි හිටියානං හරි නේද අනේ
එක හවසක ඔයා මගෙන් එහෙම ඇහුවා..,
මම සුපුරුදු නිහඬ උත්තරය දුන්නා

ඔයා සවසක කෝප්පේ හෝදනකොට ඔයාගේ කෝප්පේ බිඳුනු හැටි තවම මට මතකයි
අපරාදේ කෝප්පේ
ඔයා දුක් උනා..

එදා රෑ ඔයා වේදනාවෙන් කෑ ගැහුවා
කල්පයක් තරම් දිග විනාඩි ගානකට පස්සේ මම දැක්කේ
තුවායක ඔතපු ලස්සන රෝසමලක්
ඒත්
ඔයා...,
නින්දට ගිහින්

එයා ආපහු ඇහැරෙන එකක් නෑ..,
මගේ හිත කිව්වා..,

ඔයාගේ කෝප්පේ
කාලෙකට පස්සේ
මම පරිස්සම් කරලා
දුවට දුන්නා..,
එයත් ඔයා වගේමයි

තාමත්
අපේ රාක්කේ කෝප්ප තුනයි..,
ගොඩක් කෝප්ප මේ රාක්කේ
එල්ලෙන්න හැදුවත්
මම ආස
අපේ රාක්කේ
කෝප්ප තුනක් විතරක්
තියෙනවට

Foster Child

foster__child

මවු පියා නොමැති වී
දෙවසක් ම ගෙවූ තැනින්
නික්මෙන්න අවසරයි
අලුත් තිර නිවස වෙත

පිය මිතුරු හැරපියා
ගත ගියද උන් දමා
හද කතා කරනවා
නෙතු තෙමා හඬනවා

ඇඟලු පිළි සලු ඔබා
සිත දැරූ සැමරුම් දමා
වසාගෙන කදමලු බැඳන්
යමි ඉවත ගතින් මම්
නැවත එමි නොම කියම්

දෑත් විහිදා හිඳින
අලුත් අම්මා අසින්
විදී සුවඳක් ලොවට
තොරය මවුවත්කමින්

ළඟ ළඟම ගැබ්බරව
අහස ගුගුරා හැලේනවා
හෙණ වදිනු දැනෙනවා
මට බයත් හිතෙනවා

ශෝකාලාපය

Devil_tattoo_by_cal87

යක් දෙස් තෙමේ
මතුරා ගැසූ
හැත්තෑ වෙනි ගැටයෙන්
ගැටහැත්තේ දී
නූල ට හසු කරගති
යක්ඛ තැන..

හහ් හා එම්බා කලු
යකුව,

තගේ මේ කෙළි නැටිලි
අවසන්යැ මින්මතුව
හදි කෙරූ යුවතීට
සැනසීම නොදුන්නොත්
තගේ වත මේ කුපේ
සදා වල දමනු ඇති

එසේවුව මෙසේ අද
දෙවොල් පොල පුරාවට
මා ගැනම දෙස්දෙවන
තගේ කුණු ලේ බිඳක
ඇගේ කුසතුල මෙකල
පෙරළි ලන බවට මම
කෙසේ නම් කියන්නද

සැමදාම
පැරදි යන
කලුම කලු යකා
මම..

වර්ෂා..!

නිමිත්ත: ඉදිරි මාස කිහිපය තුල රටට වර්ෂාධික කාලය එන බව කාලගුණ විද්‍යා දෙපාර්තමේන්තුව අනාවැකි ඉදිරිපත් කරයි.

123

රුදුරු වෙස් මවාගෙන
හාත්පස අඳුරු කර
අකුණු කෙටුවද හිතට
දන්නවා සොඳින් මම
නුඹ කවුද කියා අද

ඉරි තැලුව සිත් පසට
සනසන්න එක්වන්න
කෙනෙකුවත් නැති කලෙක
රුදුරු වෙස් පැලඳි නුඹ
දිය සලයි රහසින් ම

රුදුරු ඒ හරය ගැන
සැඟවූ ඒ සොඳුරු බව
පෙන්වනා කැඩපතක
හිමිකරුවා මා බවට
නොදැන ලෙස සිටියි නුඹ

ඉවත්කර රුදුරු මුව
සිනාසී මා සමඟ
සලා දිය මේ බිමට
පෙර වූ එ සරු බවට
ගන්ට බාරයි නුඹට

තිර ලූ යහනට එපිටින්

jodha


සුසුම් පොදක් පෙරුම් පුරා
සුවැති සඳක් මුදුන් වෙලා
"ඇය"ක ඇවිත් පවන් සලා
ලොවක් සැනින් එකලු කලා

පෙමක් දුරින් පිපෙත් සැනින්
හදක් රිදෙන තැනක් වෙමින්
කලින් පෙමින් දුරස් වෙමින්
දකිත් එපෙම හඬත් වෙසින්

ලියක සලා සෙමෙර පවන්
දැවූ කාම ගිණි නිවමින්
පොවා විතක් සනසවමින්
කියවත් ඈ නුරා වදන්

"සතිය" ගිලෙන තුරු රසඟේ
කෙඳිරුම මා එකලු කලේ
සයනේ පබලුමුතු ගැස්සේ
රහස් කතාවක ඔස්සේ

නිවා ගින්න රාග මතේ
දවටා ඈ ගත සලුවේ
නැඟිට ගොසින් මහමලුවේ
කිම රජ නුඹ කල් මැරුවේ

වෙනස

sayane

කිසිම කිසි හැඩයක් නැති කවියක්..!

h2 copy

 

අනික් උන්
කැටයම් කරලා
ඔප දමද්දී වචන..,
මම
ඒ කැටයම් අස්සෙන්
හැලුණු
කවි කුඩු එකතු කරලා
ලිව්වා කවියක්
කිසිම කිසි
හැඩයක් නැති
කවියක්..!

 

පෑගිලා
මියෑදෙන්නට ළඟ
මිනිස්සු වෙනුවෙන්
කුවේර
කැටයම් ජීවිත
අස්සෙන් හැලිච්චි
අදහස් එක්කහු කරලා
ඒ වචන වලින්
ජීවය පිඹලා
ආපහු නැඟිට්ටවන්නට
මම..,
ලිව්වා කවියක්
කිසිම කිසි
හැඩයක් නැති
කවියක්..!

 

අංකුර පෙමට
කාමර
දෙන්න පොරකන
එහෙත්
ඒ පෙම
පෙම්මුල්ල අගයන
ගත සැපට වඩා
නිරාමිස සුව අගයන

අංකුර පෙම් හදවතට
මම
ලිව්වා කවියක්
කිසිම කිසි
හැඩයක් නැති
කවියක්..!

 

ජාතිය රන් විමණක් ව
නොදකින
දේශප්‍රේමයෙන් "ලූණු" ගඳ ගහන..,
අවාසනාවට
පර රටින් ආ තමන්ගේ
ගූ ගඳ නොදැනෙන
නිර්වින්දිතයින්ට
කෙළ වෙන්න
මම
ලිව්වා කවියක්
කිසිම කිසි
හැඩයක් නැති
කවියක්..!

Return top | ඉහත්තාවට නැවතත්